സംവിധായകന്‍ അഖില്‍ അനില്‍കുമാര്‍ ഒരുക്കുന്ന അടുത്ത സിനിമയില്‍ അര്‍ജ്ജുന്‍ അശോകന്‍ കേന്ദ്രകഥാപാത്രമാകുന്നു. 2022ല്‍ ഐശ്വര്യ ലക്ഷ്‌മി പ്രധാനവേഷത്തിലെത്തിയ അര്‍ച്ചന 31 നോട്ട്‌ ഔട്ട്‌ ആയിരുന്നു സംവിധായകന്റെ ആദ്യസിനിമ. ഷെബിന്‍ ബക്കര്‍, എഡിറ്റര്‍-സംവിധായകന്‍ മഹേഷ്‌ നാരായണന്‍ എന്നിവര്‍ പേരിട്ടിട്ടില്ലാത്ത സിനിമ നിര്‍മ്മിക്കുന്നു. പാലക്കാട്‌ നിന്നുമുള്ള അഭിനേതാക്കളെ തേടി അടുത്തിടെ കാസ്റ്റിംഗ്‌ കോള്‍ പുറത്തിറക്കിയിരുന്നു.ഭ്രമയുഗത്തിലാണ്‌ അര്‍ജ്ജുന്‍ അവസാനമെത്തിയ്‌ത. ആനന്ദ്‌ ശ്രീബാല എന്ന മിസ്റ്ററി ത്രില്ലറിലാണ്‌ ഇപ്പോള്‍ അഭിനയിക്കുന്നത്‌. പ്രശസ്‌ത സംവിധായകന്‍ വിനയന്റെ മകന്‍ വിഷ്‌ണു വിനയ്‌ ആദ്യമായി സംവിധാനം ചെയ്യുന്ന സിനിമയാണിത്‌. അപര്‍ണ ദാസ്‌, സംഗീത, ധ്യാന്‍ ശ്രീനിവാസന്‍ എന്നിവരും സിനിമയിലെത്തുന്നു. മാളികപ്പുറം ഫെയിം അഭിലാഷ്‌ പിള്ള സിനിമ നിര്‍മ്മിക്കുന്നു. അന്‍പോടു കണ്‍മണി- ലിജു തോമസ്‌ ചിത്രമാണ്‌ അര്‍ജ്ജുന്റെ മറ്റൊരു സിനിമ.
